Dyma’r rhaglen Sbarduno Datgarboneiddio Trafnidiaeth gydag Awdurdodau Lleol, i gefnogi busnesau bach a chanolig ac ardaloedd lleol i ddiwallu’r cyfleoedd a’r heriau a ddaw yn sgil ymrwymiadau sero net sy’n seiliedig ar leoedd. Connected Places Catapult sy’n gyfrifol am y rhaglen a hynny rhwng mis Medi 2024 a mis Mawrth 2025, ac mae’n cael ei rhedeg ar y cyd â’r Awdurdodau Lleol a’r Corff Trafnidiaeth Is-genedlaethol canlynol:
- Cynghorau Adur a Worthing
- Cyngor Sir Caerdydd
- England’s Economic Heartland
Mae’r pedwar partner wedi datblygu her benodol sy’n seiliedig ar leoedd. Gyda chefnogaeth Connected Places Catapult, bydd hyd at 2 fusnes bach a chanolig yn cael eu dewis i weithio ar y cyd â phob partner, a chael dealltwriaeth feirniadol a fydd yn eu galluogi i fireinio eu hatebion i fynd i’r afael â’r heriau a gynigiwyd sy’n seiliedig ar leoedd. Bydd busnesau bach a chanolig yn cael eu dewis ar sail pa mor gryf yw eu hatebion i’r heriau dan sylw, ac nid o reidrwydd pa mor agos yn ddaearyddol ydyn nhw at y partner.
Ar ôl asesu anghenion masnachol unigol y busnesau bach a chanolig, bydd Connected Places Catapult yn llunio rhaglen bwrpasol o gymorth masnachol sy’n canolbwyntio ar integreiddio yn y sector cyhoeddus. Gall hyn gynnwys y canlynol:
- dadansoddi a dilysu’r farchnad
- mireinio/datblygu achosion o ddefnydd penodol
- cymorth i greu a mireinio modelau busnes
- cyfathrebiadau a strategaethau masnachol wedi’u haddasu ar gyfer caffael cyhoeddus
- datblygu strategaethau ‘Mynd i’r Farchnad’
- cyflwyniadau i ddarpar gwsmeriaid a/neu fuddsoddwyr awdurdodau trafnidiaeth ac awdurdodau lleol.
Mae heriau’r rhaglen sbarduno a’r meini prawf cymhwysedd i’w gweld isod.
Gweminar Cymorth i Wneud Cais
Bydd Connected Places Catapult yn cynnal Gweminar Cymorth i Wneud Cais ar 21 Awst, rhwng 2 a 3pm. Bydd y digwyddiad hwn yn rhoi cyfle i ymgeiswyr gael rhagor o wybodaeth am yr hyn mae’r rhaglen yn ei gynnig, yr heriau, y broses ymgeisio, y meini prawf sgorio, a’r broses asesu. Hefyd, bydd sesiwn fyw o holi ac ateb ar gyfer darpar ymgeiswyr i ofyn unrhyw gwestiynau pellach neu i wirio a ydyn nhw’n gymwys.
Dyddiadau Allweddol
Heriau’r Rhaglen
Beth sydd gennym i’w gynnig?
- Dadansoddi a dilysu’r farchnad
- Mireinio/datblygu achosion o ddefnydd
- Mireinio’r model busnes
- Strategaethau masnachol wedi’u haddasu ar gyfer caffael cyhoeddus
- Datblygu strategaeth ‘Mynd i’r Farchnad’
- Cyflwyniad i gwsmeriaid
- Arddangos Atebion
Meini prawf cymhwysedd
Er mwyn bod yn gymwys, rhaid i ymgeiswyr:
- fod yn fusnes micro, bach neu ganolig ei faint (BBaCh).
- bod â swyddfa gofrestredig yn y DU.
- cael atebion sy’n mynd i’r afael ag un neu fwy o’r heriau a nodwyd.
- cael atebion ar lefel parodrwydd technoleg (TRL) 7 neu uwch. Mae hyn yn cyfateb i’r gofyniad sylfaenol bod yr atebion wedi cwblhau arddangosiad prototeip o’r dechnoleg mewn amgylchedd gweithredol a/neu wedi cymhwyso’r dechnoleg ei hun drwy gamau gweithredu llwyddiannus.
- bod yn barod i deithio o bryd i’w gilydd ar gyfer cyfarfodydd wyneb yn wyneb (ond bydd y rhan fwyaf o’r rhaglen yn cael ei chynnal ar-lein)
Sut mae gwneud cais
Gwnewch gais drwy ddilyn y ddolen isod.
Y dyddiad cau ar gyfer derbyn ceisiadau yw hanner nos ar 15 Medi 2024.
Pwynt Cyswllt
Os oes gennych chi unrhyw gwestiynau, cysylltwch â:
Kirsty Murphy, kirsty.murphy@cp.catapult.org.uk Rheolwr Rhaglen Sbarduno, Connected Places Catapult
